«Կան Ադրբեջանի կողմից ՀՀ-ին ներկայացվող կապիտուլյացիոն նոր պահանջներ». Իշխան Սաղաթելյան

«Մեկ անգամ ևս համոզվեցինք, որ երկիրը գտնվում է մի ուժի ձեռքում, որը շարունակելու է զիջումները ու մեկ անգամ ևս ակնհայտ դարձավ, որ իրականում սահմանագծման և սահմանազատման աշխատանք չկա, Հայաստան-Ադրբեջան բանակցություններ չկան, կան Ադրբեջանի կողմից ՀՀ-ին ներկայացվող կապիտուլյացիոն նոր պահանջներ, որին այս իշխանությունը մտադիր է առնվազն տեղիք տալ»,- փակ ձևաչափով նիստից հետո, լրագրողների հետ զրույցում, ասել է ընդդիմադիր խմբակցության պատգամավոր Իշխան Սաղաթելյանը:

Ավելի վաղ հայտնել էինք, որ Ազգային ժողովում տեղի է ունեցել սահմանազատման և սահմանագծման հիմնախնդիրների թեմայով՝ ընդդիմության նախաձեռնած նիստը, որին մասնակցում են ՀՀ փոխվարչապետ Մհեր Գրիգորյանն ու ՀՀ ԱԳ նախարար Արարատ Միրզոյանը: