Իրանի նախագահին կհուղարկվորեն իր հայրենի քաղաքում

Իրանի նախագահ Էբրահիմ Ռաիսիի հուղարկավորությունը տեղի կունենա մայիսի 23-ին իր հայրենի Մաշհեդ քաղաքում, IRIB հեռուստաալիքի եթերում հայտնել է Իրանի փոխնախագահ Մոհսեն Մանսուրին:

«Այաթոլլա Ռաիսիի հուղարկավորությունը տեղի կունենա Իմամ Ռեզայի դամբարանում»,- նշել է նա:

Հեռուստաալիքը հայտնում է նաև, որ ավիավթարի զոհերի մարմինները կուղարկվեն Թեհրան և մայիսի 21-ի երեկոյան Թեհրանի մզկիթում տեղի կունենա նահատակների հրաժեշտի արարողություն:

Ռաիսիին ուղեկցող քաղաքական գործիչների հուղարկավորությունը տեղի կունենա առանձին-առանձին՝ Թեհրանում, Կում քաղաքում, Թավրիզում և Հարավային Խորասան նահանգի քաղաքներից մեկում: