«Ձեր չափը լավ ճանաչեք, այլապես․․․»․ Խաչատուր Սուքիասյանը՝ ընդդիմությանը

ՔՊ-ական պատգամավոր Խաչատոր Սուքիասյանի սպառնալից ելույթով մեկնարկեց ԱԺ այսօրվա նիստը․ «Հայաստանի Հանրապետությունն ուզում է ուժեղանալ, ամրապնդել իր սահմանները, դառնալ հզոր պետություն, սակայն ՀՀ քաղաքացիները, պատգամավորները, քաղաքական կուսակցությունները խանգարում են դրան, չգիտեմ միտումնավոր, թե՞ չհասկանալով։ Հաշվի առնելով մեր տեղեկությունները՝ տպավորություն է ստեղծվում, որ մեր գործընկերները և ՀՀ շատ քաղաքացիներ ծառայում են այլ պետությունների։ Եթե գնանք տարիներ հետ և տեսնենք, թե ՀՀ-ն ովքեր են կառավարալ և ինչ ձևով, ապա կտեսնենք, թե ինչ ձևով էին վերաբերվում այն մարդկանց, ովքեր մի օտար երկրի անուն էին տալիս կամ մի օտար երկրի հետ հարաբերություն էին ունենում։ Այդ մարդիկ մահանում էին, կամ բանտում հայտնվում, կամ ունեզրկվում։ Հիմա ձեզ ասում եմ, եթե դուք ձեր չափը չճանաչեք և խանգարեք ՀՀ զարգացմանը, ձեզ հետ նույն գործիքներով կխոսեն, դուք պետք ա ձեր չափը լավ ճանաչեք»,- ընդդիմությանը դիմելով՝ ասաց Սուքիասյանը: