«Ձեր երեխեքին էնպես դաստիարակեք, որ մեծ հպարտություն զգան զինվորի հետ նկարվելիս». Մնացական Բիչախչյան

Անձնագրային և վիզաների վարչության նախկին պետ Մնացական Բիչախչյանի ֆեյսբուքյան գրառումը՝ կից լուսանկարներով. «Համացանցում տեսանյութ կա, անկեղծ չեմ էլ ուզում տարածեմ, երեխեքը մեծ ոգևորությամբ նկարվում են համարյա լրիվ մերկ ոմն կնոջ հետ ու իրար հերթ չտալով, ընդ որում՝ ծնողների ներկայությամբ:
Մի արեք նման բան, մի արժեզրկեք ամեն ինչ: Ձեր երեխեքին էնպես դաստիարակեք, որ մեծ հպարտություն զգան պատերազմ անցած զինվորի հետ, հերոսի ծնողի, պապի, հարազատի հետ նկարվելուց ու ասեն զինվորն իրանց համար Աստված է: Որ ամբողջ միջոցառման կամ հանդիպման ժամանակ կողքից տեղ չգնան ու հաջորդ օրերին շաբաթներով իրանց մասին խոսեն, ոգևորվեն իրանցով»։