Առաջարկվում է ուսման վարձի փոխհատուցում տրամադրել աշխարհի հեղինակավոր բուհերում սովորող ՀՀ քաղաքացիներին
![]() 1442 Չորեքշաբթի, 26 հունիսի, 2024 թ., 14:36 ԿԳՄՍՆ բարձրագույն կրթության և գիտության կոմիտեն հանրային քննարկման է ներկայացրել ՀՀ կառավարության որոշման նախագիծ, որով նախատեսվում է ուսման վարձի փոխհատուցման նպատակով կրթաթոշակ տրամադրել օտարերկրյա հեղինակավոր բուհերում սովորող ՀՀ քաղաքացիներին։ Վերջիններս պետք է ընդգրկված լինեն աշխարհի լավագույն բուհերի ակադեմիական վարկանիշավորման http://www.shanghairanking.com կայքի՝ տվյալ տարվա ցանկերի առաջին 65 բուհի ցանկում՝ բակալավրի կրթական ծրագրերի պարագայում կամ առաջին 75 բուհի ցանկում՝ մագիստրատուրայի կամ ասպիրանտուրայի որակավորում շնորհող կրթական ծրագրերի պարագայում։ Կրթաթոշակ կարող է տրամադրվել լրիվ բեռնվածությամբ և առկա ուսուցմամբ սովորող կամ դիմորդ հանդիսացող ՀՀ քաղաքացուն, եթե նրա ներկայիս կամ ապագա գործատուն իրականացնում է ուսման վարձի առնվազն 50 տոկոսի փոխհատուցում։ Պետությունը կրթաթոշակը տրամադրում է գործատուի փոխհատուցումից հետո առավելագույնը ուսման վարձի մնացորդային գումարի չափով՝ յուրաքանչյուր ակադեմիական տարվա համար ոչ ավելի, քան 10 մլն ՀՀ դրամը։ Կարգում ամրագրվում է նաև, որ գործատուն և սովորողը պետք է ունենան ուսման ֆինանսավորման և ուսման ավարտից հետո աշխատանքի անցնելու կամ շարունակելու հանձնառության պայմանագիր, որը պետք է լինի առնվազն 3 տարի ժամկետով՝ ուսման ակնկալվող ավարտից հետո: Եվ եթե ուսման ավարտից հետո կրթաթոշակի շահառու քաղաքացին չի վերադառնում ՀՀ կամ տվյալ հաստատությունում ուսումնառությունը կիսատ է թողնում, գործատուն ՀՀ պետական բյուջե է փոխանցում հրաժարագին՝ պետության տրամադրած ընդհանուր կրթաթոշակի կամ համաֆինանսավորման ընդհանուր գումարի եռապատիկը։ Ակնկալվում է, որ նախագծի ընդունումը կնպաստի աշխատաշուկան նոր և մրցունակ կադրերով ապահովելու գործընթացին։ «Օտարերկրյա հեղինակավոր բարձրագույն ուսումնական հաստատություններում Հայաստանի Հանրապետության քաղաքացի հանդիսացող սովորողներին ուսման վարձի փոխհատուցման նպատակով կրթաթոշակի տրամադրման կարգը հաստատելու մասին» նախագծի վերաբերյալ առաջարկությունները կարելի է ներկայացնել մինչև 2024թ. հուլիսի 12-ը ներառյալ Իրավական ակտերի նախագծերի հրապարակման միասնական կայքում կամ ուղարկել Բարձրագույն կրթության և գիտության կոմիտե: Այս մասին հայտնում է ՀՀ ԿԳՄՍՆ-ն: |
«Մեր հանրակրթության համակարգն իրենից ներկայացնում է ավերակներ»․ Նիկոլ Փաշինյան
213Երեկ, 11:30«Ապահովե՞լ ես, որ հեռավոր գյուղերում առաջին դասարանցիները հեռախոս ունենան»․ Սյուզաննա Սիմոնյան
38413.09.2025, 18:06«Երեխաներին իրական կյանքից դեպի ինտերնետ տանելու գործիքներ են օգտագործվում»․ Նարինե Կիրակոսյան
46912.09.2025, 16:30««Այբբենարանում Մաշտոցը չկա» պնդումը կեղծ է». Ժաննա Անդրեասյան (տեսանյութ)
66612.09.2025, 11:42«Ժաննա Անդրեասյանի պատասխանն անհասկանալի ագրեսիվ էր»․ Թագուհի Թովմասյան (տեսանյութ)
58610.09.2025, 13:36«Փաշինյանն անորակ և խոտան դասագրքերը գովազդում է որպես հաջող և կիրառելի»․ Հայկ Դեմոյան
46610.09.2025, 02:12«Խոսելու եմ մի սարսափելի երևույթի մասին». Արմեն Հովասափյան
51009.09.2025, 14:12«Ի՞նչ եք կարծում՝ դպրոցում բջջայինի սահմանափակումը կօգնի՞ մեր երեխաներին». Տիգրան Ավինյան
50408.09.2025, 23:30