«Մեր սկզբունքային քաղաքականությունը կառավարությունների փոփոխությամբ չի փոխվում»․ ՀՀ-ում ԻԻՀ դեսպան

Մեր սկզբունքային քաղաքականությունը կառավարությունների փոփոխությամբ չի փոխվում։ Այս մասին այսօր Իրանի դեսպանատանը լրագրողների հետ զրույցում ասել է ՀՀ-ում ԻԻՀ դեսպան Մեհդի Սոբհանին՝ պատասխանելով դիտարկմանը, որ Իրանի նախագահական ընտրություններում թեկնածուներից մեկը՝ Փեզեշքիանը, ազգությամբ ադրբեջանցի է։

«Ելույթներում բոլոր թեկնածուներն ընդգծել են իրենց որդեգրած քաղաքականությունը՝ զարգացնելու հարևան երկրների, այդ թվում՝ Հայաստանի հետ հարաբերությունները։ Իրանն ունի մեծ բնակչություն, և այնտեղ ապրում են տարբեր ազգերի ներկայացուցիչներ, բայց դա չի կարող ազդել Իրանի որդեգրած սկզբունքային և ազգային քաղաքականության վրա։ Իրանը եղել է և կմնա Հայաստանի բարեկամը»,- ասել է դեսպանը։