«Ենթադրվում է՝ ընտրություններին մասնակցող քաղաքացիների թիվը աճ կգրանցի»․ Վարդան Ոսկանյան

Իրանագետ Վարդան Ոսկանյանի թելեգրամյան գրառումը․ «

Իրանում նախագահական ընտրությունների երկրորդ փուլն, ինչպես միշտ, մեկնարկել է Իսլամական Հանրապետության հոգևոր առաջնորդի քվեարկությամբ։

Նախագահի երկու թեկնածուները՝ պահպանողական Սայիդ Ջալիլին և բարեփոխական Մասուդ Փեզեշքիանը, նախընտրական վերջին շաբաթվա արդյունքներով ունեն գրեթե հավասար հնարավորություններ՝ չնայած նրանցից առաջինն ավելի լավ է վարել քարոզարշավը և նաև հնարավորություն ունի ստանալու առաջին փուլից հետո ընտրարշավից դուրս մնացած պահպանողական Մոհամմադ Բաղեր Ղալիբաֆի կողմնակիցների մի մասի ձայները։

Իրանում խիստ կարևորվում է նաև ընտրողների մասնակցության ցուցանիշը, որն առաջին փուլում չի հասել քվեարկության իրավունք ունեցող քաղաքացիների թվի կեսին։

Ենթադրվում է, որ մի շարք ներքին և արտաքին քաղաքական հարցերում խիստ հակադիր դիրքորոշումներ ունեցող երկու թեկնածուների առկայության պայմաններում ընտրություններին մասնակցող քաղաքացիների թիվը կարող է որոշակի աճ գրանցել»։