Երկուշաբթի, 08 հուլիսի, 2024 թ.
|
Ստեփանակերտում`   +24 °C

«ՀՀ-ի և Վրաստանի տարածքով դեպի Սև ծով ճանապարհը 2 օրով նվազեցնում է ճանապարհի տևողությունը»․ ՀՀ-ում ԻԻՀ դեսպան

«ՀՀ-ի և Վրաստանի տարածքով դեպի Սև ծով ճանապարհը 2 օրով նվազեցնում է ճանապարհի տևողությունը»․ ՀՀ-ում ԻԻՀ դեսպան
71
Ուրբաթ, 05 հուլիսի, 2024 թ., 11:54

Հյուսիս-Հարավ տրանսպորտային միջանցքի այն հատվածը, որ անցնում է Հայաստանով, շատ լուրջ այլընտրանք է և Սև ծով ելքի հնարավորություն է տալիս։ Այս մասին Իրանի դեսպանատանը լրագրողների հետ զրույցում ասել է ՀՀ-ում ԻԻՀ արտակարգ և լիազոր դեսպան Մեհդի Սոբհանին:

«Սա ավելի կարճ ճանապարհ է համարվում։ Հայաստանով անցնող հատվածի շինարարական աշխատանքները Հայաստանի հարավում՝ Ագարակ-Քաջարան հատվածում, արդեն սկսվել են։ Սա հստակ ծրագիր է, որը պետք է իրականացվի։ Սա առաջին փուլն է։ Երկրորդ փուլով նախատեսվում է Քաջարանի թունելի շինարարությունը, որի մրցույթի մասին կհայտարարվի: Սպասվում է նաև, որ մոտ ապագայում կհայտարարվի Քաջարանից հետո մինչև Սիսիան ճանապարհի շինարարության մասին, ինչը կդյուրացնի երթևեկությունը։ Նշեմ նաև, որ այս ճանապարհները մեկը մյուսին չեն փոխարինում, այլ լրացնում են։ Հայաստանի և Վրաստանի տարածքով դեպի Սև ծով ճանապարհը 2 օրով նվազեցնում է ճանապարհի տևողությունը»,- ասել է դեսպանը։