«Ադրբեջանի նպատակը Սյունիքն օկուպացնելն է»․ Քաղաքագետ

«Ադրբեջանը չի պատրաստվում խաղաղության պայմանագիր ստորագրել, որը իրեն պարտավորությունների տակ կդնի: Նա տեսնում է, որ հնարավոր է պահանջներն անընդհատ մեծացնել և ուզածը ստանալ»,-24-ի եթերում ասաց քաղաքագետ Ստեփան Դանիելյանը։ «Ադրբեջանի նպատակը Սյունիքը օկուպացնելն է։ Դա հարյուրամյակների ծրագիր է։ ԱՄՆ-ն և Եվրոմիությունը ստիպում են Ադրբեջանին՝ ստորագրել խաղաղության պայմանագիրը։ Նպատակն է, որպեսզի Սյունիքը լինի Միացյալ Նահանգների վերահսկողության տակ, Ռուսաստանը հեռանա, Իրանը չակտիվանա և նրանք Թուրքիայով ճանապարհ բացեն դեպի Միջին Ասիա։ Ադրբեջանն էլ, տեսնելով, որ Հայաստանը արևմտյան ուժեր է բերում, ինչին դեմ են Ռուսաստանն ու Իրանը, նախընտրում է վերջիններիս համոզել, որ ավելի լավ կլինի Սյունիքը ինքը վերցնի, քան ԱՄՆ-ն։ Նա պատրաստակամություն է հայտնում համագործակցել Ռուսաստանի և Իրանի հետ»,-ասաց քաղաքագետը։
Զրույցի մանրամասները՝ տեսանյութում