Երեքշաբթի, 23 հուլիսի, 2024 թ.
|
Ստեփանակերտում`   +19 °C

Թումոյում կկայանա հանդիպում օսկարակիր Ալեքսանդր Փեյնի հետ, որին կհաջորդի «Պատժվածները» ֆիլմի ցուցադրությունը

Թումոյում կկայանա հանդիպում օսկարակիր Ալեքսանդր Փեյնի հետ, որին կհաջորդի «Պատժվածները» ֆիլմի ցուցադրությունը
1558
Չորեքշաբթի, 10 հուլիսի, 2024 թ., 22:42

«Թումո» ստեղծարար տեխնոլոգիաների կենտրոնը տեղեկացնում է. «Միացեք մեզ հուլիսի 11-ին՝ ժամը 16:00-ին, հանդիպելու կրկնակի օսկարակիր սցենարիստ-ռեժիսոր Ալեքսանդր Փեյնի հետ: Զրուցելու ենք Փեյնի ստեղծագործական ուղու և ֆիլմերի, այդ թվում վերջին՝ «Պատժվածները» ֆիլմի մասին:
Ալեքսանդր Փեյնը հեղինակել է 8 լիամետրաժ ֆիլմ, որոնք նոմինացվել են ընդհանուր թվով 24 «Օսկարի», այդ թվում՝ 4 անգամ «Լավագույն ֆիլմ» և 3 անգամ «Լավագույն ռեժիսոր» անվանակարգերում։ Նա 2 «Օսկարի» է արժանացել «Լավագույն ադապտացված սցենար» անվանակարգում, իսկ նրա վերջին «Պատժվածները» ֆիլմն «Օսկար» է ստացել «Երկրորդ պլանի լավագույն դերասանուհի» անվանակարգում։
Ամսաթիվ՝ հուլիսի 11, 16:00
Վայր՝ Թումո Երևան
Լեզուն՝ անգլերեն՝ հայերեն թարգմանությամբ
Մուտքն ազատ է»: