Փաշինյանն այցելել է Արագածոտնի մարզ

Նիկոլ Փաշինյանն իր ֆեյսբուքյան էջում տեսանյութեր է հրապարակել՝ կից գրառումներով․ «Այցելել եմ Արագածոտնի մարզ՝ ծանոթանալու 2023 թվականին իրականացված աշխատանքներին և ընթացքի մեջ գտնվող ծրագրերին:
Առաջին կանգառն Աշտարակում էր: Համայնքի սուբվենցիոն ծրագրով 25 բնակավայրերում իրականացվել են ասֆալտապատման աշխատանքներ՝ 22,4 կմ երկարությամբ:
Ծրագրի ընդհանուր արժեքը 2 մլրդ 142,5 մլն դրամ է, որից 749,8 մլն դրամը հատկացրել է Կառավարությունը:
Աշտարակում այցելեցի նաև նոր կառուցված խաղադաշտ: Ընդհանուր առմամբ, սուբվենցիոն ծրագրով Աշտարակ և Բազմաղբյուր բնակավայրերում կառուցվել է 4 խաղադաշտ: Ծրագրի արժեքը 267,3 մլն դրամ է, որից 93,5 մլն դրամը հատկացրել է Կառավարությունը։
Աշտարակ համայնքի Աշտարակ, Ավան, Բյուրական, Լեռնարոտ, Ոսկեվազ, Վերին Սասունիկ և Ուջան բնակավայրերում իրականացվել են փողոցների տուֆ քարով սալապատման աշխատանքներ ընդհանուր՝ 2.49 կմ:
Սուբվենցիոն ծրագրի արժեքը՝ 265 մլն դրամ է, Կառավարության մասնաբաժինը՝ շուրջ 133 մլն դրամ»։