«Իսկ այդտեղ ո՞ւմ ենք մեղավոր «կարգելու»»․ Ստյոպա Սաֆարյան

Քաղաքագետ Ստյոպա Սաֆարյանի ֆեյսբուքյան գրառումը․ «Երբ Սեդա Սաֆարյանը մարտի 1-ի դատական նիստերին դատարանից պահանջում էր քննության չառնել Ռոբերտ Քոչարյանի փաստաբանական շքախմբի՝ մեկը մեկին ու մեկին մեկ կրկնվող միջնորդությունները, այն ժամանակ լսող չկար, ու ոչ մեկին դա հետաքրքիր չէր՝ ոչ ընդդիմության միտինգներին մասնակցող նախկին գլխավոր դատախազ Արթուր Դավթյանին ու դատախազական կորպուսին, ոչ էլ Արդարադատության նախարարությունն էր տեսնում, որ ձգձգելը այն բառը չէ, որով նկարագրվում էր դատարանում Սանտա Բարբարա դարձած դատավարությանը։
Երևի կանցնի մի քանի տարի, հիմա էլ «կհասկանանք», որ գործը պետք է վերաորակավորվեր այլ՝ ծանր հանցագործության հոդվածով, որպեսզի Աննա Դանիբեկյանը «վաղեմության ժամկետ» ունեցող հոդվածի վրա թամաշա չբեմականացներ․․․
Այդտեղ էլ հո Աննա Դանիբեկյանը չէ մեղավորը․․․ Իսկ այդտեղ ո՞ւմ ենք մեղավոր «կարգելու»»։