«Մամիկոն Ասլանյանը հրաժարվեց դառնալ կամակատար»․ Զոհրաբյան

ԱԺ նախկին պատգամավոր Նաիրա Զոհրաբյանը ֆեյսբուքյան եթերում, խոսելով Մամիկոն Ասլանյանի մասին, ասել է․ «Վանաձորի ընտրված քաղաքապետ Մամիկոն Ասլանյանը կլինի ազատության մեջ 10 միլիոն դրամի դիմաց։ Նա 2 տարի 7 ամիս անազատության մեջ էր հանուն ոչնչի, ընդամնեը նրա համար, որ հրաժարավեց ընդունել ՔՊ պարտադրած խաղի կանոնները, ինչը, ցավոք, ընդունեցին բազմաթիվ համայնքապետեր, այդ թվում սյունյանց ողջյուններ հղած «խրոխտ» համայնքապետեր։

Մամիկոն Ասլանյանը հրաժարվեց դառնալ ՔՊ-ի կամակատարը»։

Զոհրաբյանը անդրադարձել է նաև ԱՄՆ պետդեպարտամենտի խոսնակ Մեթյու Միլլերի հայտարարությանը, թե «Հայաստանի և Ադրբեջանի միջև համաձայնություն հնարավոր է, բայց դա երկու կողմերից կպահանջի որոշ բարդ ընտրություններ և ծանր փոխզիջումներ կատարել», նա ասել է. «Առաջիկայում ինչ ցավոտ զիջումներ լինեն, դուք՝ նիկոլականներ, ձեր մեղքի բաժինն ունենալու եք»։