«Մինչև հզորների բախումը չավարտվի, խաղաղության պայմանագիր չի կնքվի»․ Մալխասյան

«Խաղաղությունը պետությունների համար բաղձալի երազանք է։ Սակայն մեր տարածաշրջանում, որտեղ կան աշխարհաքաղաքական խրթին հակասություններ, խաղաղություն չկա ու չի լինի երբեք»,-24-ի եթերում ասաց ազատամարտիկ, հրապարակախոս Վարդան Մալխասյանը։ «Աշխարհի հզորները դուրս են եկել իրար դեմ՝ աշխարհակարգ փոխելու, տրանսպորտային հաղորդակցման կապուղիները փոխելու։ Եվ մինչև այս հզորների բախումը չավարտվի, մինչև չգա հաստատուն փոփոխությունների ժամանակը, այս փոքր երկրների կարգավիճակն ու հարաբերությունները չեն ճշգրտվի։ Խաղաղության պայմանագիր կկնքվի միայն ռուս-ուկրաինական պատերազմի ավարտից հետո։ Իսկ այդ պատերազմը հնարավոր է դեռ 2-3 տարի շարունակվի, քանի որ Արևմուտքը մտադրվել է Ռուսաստանին հյուծելով թուլացնել, որպեսզի նա զրկվի նախկին սովետական հանրապետությունների նկատմամբ իր գերիշանությունից»,-ասաց Մալխասյանը՝ հավելելով, որ Սյունիքով միջանցքը պետք է ուշ թե շուտ բացվի, բայց կարևոր է, որ ՀՀ-ն վերահսկի, եթե հսկողությունը տրվի այլ ուժի, Հայաստանն իր ինքնիշխանությունը կկորցնի, կդառնա կցորդ։
Զրույցի մանրամասները՝ տեսանյութում