«Փաշինյանը հանգիստ զբոսնում է, որովհետև մենք լավ չենք աշխատում». Հայկ Մամիջանյան

ԱԺ «Պատիվ ունեմ» խմբակցության պատգամավոր Հայկ Մամիջանյանը Հ2-ի եթերում անդրադառնալով վարչապետ Նիկոլ Փաշինյանի հեծանվային զբոսանքներին՝ ասել է․ «Ինքը հանգիստ զբոսնում է, արձակուրդ է հեսա գնալու և այլն, մի պարզ պատճառով, որովհետև մենք լավ չենք աշխատում ու ավելորդ պաշտպանողականությունը լրիվ անտեղի է»։ Նրա խոսքով՝ անընդունելի է մեղավորությունը ժողովրդի վրա բարդելը․ «Ժողովրդին մեղադրել չի կարելի, ուրեմն քո գաղափարներն այնքան էլ լավ չես ներկայացրել, նշանակում է՝ պետք է ամեն ինչ անել»,- նշել է պատգամավորը։