Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Ասել է՝ Ջերմուկից դուրս արի, ասել է՝ դուք էլ 30 տարի, ենթադրենք, Ակնայում եք եղել»․ Արթուր Խաչատրյան

«Ասել է՝ Ջերմուկից դուրս արի, ասել է՝ դուք էլ 30 տարի, ենթադրենք, Ակնայում եք եղել»․ Արթուր Խաչատրյան
285
Ուրբաթ, 19 հուլիսի, 2024 թ., 21:00

ԱԺ «Հայաստան» խմբակցության պատգամավոր Արթուր Խաչատրյանը 24TV-ի եթերում անդրադառնալով Ադրբեջանի ներկայացրած պահանջներին՝ ասել է․ «Ադրբեջանը մի քանի պահանջ է ներկայացրել, Սահմանադրությունը փոխելուն Փաշինյանը համաձայնել է։ Պահանջներից մյուսը վերաբերում է, այսպես կոչված, Խոջալուի ցեղասպանությունը ճանաչելուն։ Հայցերի հետքաշման մասին է խոսվում։ Ղարաբաղն ընդհանրապես մոռանալ, վերադարձի իրավունք և այլն, մոռացեք։ Եվ մնում է միջանցքի խնդիրը․․․․ Փաշինյանը ոչինչ պատահական չի ասում, երբ ասում էր՝ Ադրբեջանն ասել է՝ 30 տարի դուք էիք մեր կյանքն ուտում, 30 տարի էլ մենք ենք վրեժ լուծելու, որովհետև ասել է՝ Ջերմուկից դուրս արի, ասել է՝ դուք էլ 30 տարի, ենթադրենք, Ակնայում եք եղել»։

Հիշեցնենք՝ շաբաթներ առաջ ՔՊ Քաղաքական ժողովում Նիկոլ Փաշինյանը հայտարարել էր․ «Հաջորդ արտաքին մարտահրավերն Ադրբեջանն է, որի ասածը, եթե կարճ ձևակերպենք, հետևյալն է․ ասում է՝ դու ինձ չես թողել 30 տարի ապրեմ, ես էլ քեզ չեմ թողնելու, որ ապրես, ու պիտի վրեժս քեզնից լուծեմ»։

Արթուր Խաչատրյանի հարցազրույցը