«Փրկիչներին ու մութ ուժերին չեմ հավատում». Ավինյան

Երևանի քաղաքապետարանում ընթացող ասուլիսի ժամանակ լրագրողներից մեկն ասաց, որ ինչպես քաղաքում, այնպես էլ երկրում խնդիրները չեն լուծվի, քանի դեռ իշխանությունը գտնվում է ՔՊ-ի ձեռքում: «Հնարավո՞ր է Երևանը փրկել, երբ երկիրը քանդվում է: Ձեր հեռացմամբ հնարավո՞ր է լուծվեն խնդիրները»,- շարունակեց լրագրողը: Քաղաքապետին հարցը դուր չեկավ, այնուհետ պատասխանեց. «Փրկիչներին ու, այսպես ասած, մութ ուժերին չեմ հավատում, ես հավատում եմ աշխատանքին ու վստահ եմ՝ յուրաքանչյուր գրագետ կազմակերպվող աշխատանք ինչ-որ ժամանակ հետո տալիս է իր արդյունքները»: