«Կիրանցցին ծնունդին իրավունք չունի մի բաժակ գինի խմի»․ Խաչատրյան

«Կիրանցի դպրոցը սահմանից 20-25 մետրի վրա է ընդամենը։ Գյուղի միջով անցնող սահմանի մի հատվածը բետոնային պատ է, մյուսը՝ ուղղակի հասարակ ժեշտ, ինչպե՞ս կարելի է այդ ժեշտով կանխել ադրբեջանցիների հարձակումը, կամ, ընդհանրապես, պատով ինչպե՞ս կարելի է որևէ հարձակում կանխել»,-«ABC Media»-ի եթերում ասաց ԱԺ «Հայաստան» խմբակցության պատգամավոր Արթուր Խաչատրյանը։ Նա օրերս գործընկերոջ՝ Գեղամ Մանուկյանի հետ այցելել էր Կիրանց։ «Ուզում էնք հասկանալ սահմանն ինչպես է անցնում, մեզ մոտեցան սահմանապահները և ասացին, որ դա սահմանային շերտ է, առանց թույլտվության չենք կարող այնտեղ գտնվել։ Իսկ սահմանային շերտը որոշակի և շատ խիստ սահմանափակումներ ունի։ Օրինակ սահմանային շերտում արգելված է ալկոհոլի օգտագործումը։ Ստացվում է, որ եթե ինչ-որ մեկի ծնունդն է կամ հոգեհանգիստը՝ օրենքով արգելվում է ալկոհոլի օգտագործումը։ Մարդ իրավունք չունի ծնունդին մի բաժակ գինի խմի»,-ասաց պատգամավորը՝ հավելելով, որ տեղի ունեցածը միակողմանի կապիտուլյացիա է, տարածքի կամայական հանձնում Ադրբեջանին․ «Դասը պետք է սերտենք և թույլ չտանք, որպեսզի ՀՀ մյուս տարածքներում էլ տեղի ունենա այս նուն խայտառակ կապիտույացիան։ Հույս ունենանք, որ կկարողանանք սահմանը վերաճշգրտել»,-ասաց նա։
Զրույց ամբողջությամբ՝ տեսանյութում