«Ոչ ոքի չի հետաքրքրո՞ւմ, որ գյուղատնտեսական մասնագիտությունները մահանում են»․ Գեորգի Ավետիսյան

ՍԱՏՄ նախկին ղեկավար Գեորգի Ավետիսյանը ֆեյսբուքյան իր էջում տարածել է «Ագրարայինի աջակիցներ»-ի հայտարարությունը և գրել հետևյալը․ «Ես մի բան չեմ հասկանում՝ ոչ ոքի չի հետաքրքրում, որ գյուղատնտեսական մասնագիտությունները մահանում են։ Վաղը մյուս օրը երկրում անասնաբույժներ ու ագրոնոմներ չեն լինելու, հո դրսից մարդ չե՞ք բերելու ստեղ աշխատեն։
Էս էն դեպքը չի, որ հա դե եկամուտ չի բերում փակենք, կամ օպտիմալացնենք, շուռ տանք մի հատ էլ օպտիմալացնենք, էս էն դեպքն ա, որ պիտի «աննախադեպ» փող դնել ու պահել ու զարգացնել էս ԲՈՒՀը։
Սենց որ գնաց ծիրանը միայն կինոփառատոնի անվան մեջ ա մնալու, համով սնունդով սեղանների մասին էլ ֆեյսբուքն ա հիշացնելու։
Բժիշկներն էլ ստիպված անընդհատ վերապատրաստվելու են, որ մարդկանց փրկեն զոոնոզ (կենդանիներից եկող) հիվանդություններից»։