«Սա՝ «Արցախը տանք, հանգիստ ապրենք»-ի նորացված տարբերակն է». Հայկ Մամիջանյան

«Փաշինյանի մեսիջը հետևյալն է՝ ժողովո՛ւրդ ջան, ոչ մի բանի մասին մի մտածեք. կերեք, խմեք, քեֆ արեք։ Սա՝ «Արցախը տանք, հանգիստ ապրենք»-ի նորացված տարբերակն է։ Տվիք, հանգի՞ստ եք ապրում»,- 24TV-ի եթերում ասել է ԱԺ «Պատիվ ունեմ» խմբակցության ղեկավար Հայկ Մամիջանյանը՝ պատասխանելով հարցին, թե «Նիկոլ Փաշինյանն անհոգ հեծանիվ է վարում, համերգների է մասնակցում. դրանով ի՞նչ մեսիջ է ուզում փոխանցել»: «Ինքը էլի մանիպուլացնում է․ մինչև 2018 թվականն էլ էին մարդիկ հեծանիվ քշում, նաև՝ Արցախի Վերածննդի հրապարակում, Կիրանցի այն հատվածում, որն ինքը հանձնել է, Տիգրանաշենում, այն հատվածում, որն ինքը հետագայում հանձնելու է, Ջերմուկում, երբ ադրբեջանական զորքերն իրենցից տասնյակ, հարյուրավոր կիլոմետրեր հեռու էին: Ինքը չի բերել լավ կյանք, ինքը բերել է լավ կյանքի պատրանք»,- հավելել է Մամիջանյանը: