«Խնդրում եմ շտապ հավաքվել Արաբկիրի քննչականի մոտ»․ Ռուբեն Մելիքյան

Փաստաբան Ռուբեն Մելիքյանը քիչ առաջ ֆեյսբուքյան ուղիղ եթերում էր, կոչ էր անում քաղաքացիներին հավաքվել Արաբկիրի քննչականի մոտ։ «2 ժամ է՝ սպասում ենք։ Ոստիկան է էնտեղ նստած, ասում ենք՝ մենք իրավունք ունենք բարձրանալու մեր վստահորդի մոտ․ 6 ժամը լրացել է։ Եթե ձերբակալման որոշում կա, պետք է մեզ ներկայացվի։ Կա՛մ էդ մարդուն պետք է ազատ արձակած լինեիք, կա՛մ եթե ազատ չեք արձակել, ձերբակալման որոշումը պետք է ներկայացրած լինեիք»,- ասում էր նա։

Ավելի վաղ Մելիքյանը հայտնել էր, որ ոստիկանական բռնության ենթարկված Արամ Երիցյանին տեղափոխել են Արաբկիրի քննչական։ «Շուրջ 1 ժամ 20 րոպե է՝ փաստաբաններին չի թույլատրվում այցելել իրենց պաշտպանյալին։
Լրացում 22:40. Անազատության 6 ժամը լրացել է, իսկ փաստաբանների մուտքը դեռ արգելում են»,- գրել էր նա։