«Ղարաբաղի հայերը պետք է ուղիղ խոսեն Ադրբեջանի հետ»․ Կլաար

Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը Jam.news-ի հետ հարցազրուցում անդրադարձել է նաև Հայաստան-Ադրբեջան բարձր մակարդակի նոր հանդիպումներին։ Նա մասնավորապես շեշտել է, որ ԵՄ-ն պատրաստ է կրկին միջնորդի դեր ստանձնել, եթե կողմերը դիմեն այդ հարցով: «ԵՄ-ն շատ պարզ է այս հարցում, և դա նաև իմ ակնկալիքն է, որ Ղարաբաղի հայերը կմասնակցեն կարգավորման գործընթացին, և որ Բաքվի ու նրանց միջև ուղիղ բանակցություններ լինեն՝ հայրենի տարածաշրջան անվտանգ և արժանապատիվ վերադարձի մասին»,- ասել է նա: «Առաջինը ղարաբաղցի հայերի՝ իրենց նախնիների հայրենիք վերադարձին մղված աջակցությունն է, որը Ադրբեջանի պարտավորությունն է: Երկրորդը Ադրբեջանի այլ մասերում, այդ թվում՝ Բաքվում ապրած հայերի կամ Հայաստանում ապրած ադրբեջանցիների հարցն է»,- ասել է Կլաարը: