Բագրատ Սրբազանը՝ առաջիկա անելիքների մասին

Աջափնյակում բնակիչների հետ հանդիպման ժամանակ ելույթի Բագրատ Սրբազանը ներկայացրեց նաև առաջիկա հանդիպումների ժամանակացույցը։ «Շաբաթ օրը մեկնելու ենք Մասիսի շրջան, հաջորդ օրը՝ Արտաշատի շրջան։ Հանդիպումներ կունենանք Մասիս ու Արտաշատ քաղաքներում և հարակից գյուղերում։ Իսկ օգոստոսի 12-ին՝ ժամը 18։00-ին, Մատենադարանի մոտից երթով շարժվելու ենք դեպի Սուրբ Աննա եկեղեցու բակ։ Այդ օրը երիտասարդների օրն է»,- ասաց նա։