«Սամվել Ալեքսանյանը գնորդների հաշվին գերշահույթներ է ստանում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Այսօր՝ օգոստոսի 13-ին Երևանում, «Երևան Սիթի» սուպերմարկետում մեկ կիլոգրամ շաքարավազի գինը 450 դրամ է։ Օգոստոսի 13-ին Իջևան քաղաքի Ներսես Շնորհալի եկեղեցու մոտ գտնվող «Բազե»» սուպերմարկետում մեկ կիլոգրամ շաքարավազի գինը 385 դրամ է, իսկ Իջևանի շուկային կից գտնվող «Ֆրեշ» սուպերմարկետում՝ 375 դրամ։ Ինչպե՞ս է ստացվել, որ շաքարավազի ներկրման ոլորտում գերիշխող դիրք ունեցող Սամվել Ալեքեսանյանին պատկանող «Երևանի Սիթի» սուպերմարկետում շաքարավազի գինը 75 դրամով ավել է Իջևանի սուպերմարկետում առկա գնից։ Սամվել Ալեքսանյանը սպառողների հաշվին գերշահույթներ է ստանում։ Ընդդիմադիր պատգամավոր եղած ժամանակ Նիկոլ Փաշինյանը Սամվել Ալեքսանյանին մեղադրում էր շաքարավազի բիզնեսում մենաշնորհի, Արմեն Իսրայելյանի՝ Ձկնկուլի սպանության մեջ։ Սամվել Ալեքսանյանն էլ Նիկոլ Փաշինյանի մասին ասել է, որ «Նիկոլն իրենց ախպերն ա»»: