Շաբաթ, 15 օգոստոսի, 2026 թ.
|
Ստեփանակերտում`   +21 °C

«Գործարարներն ահազանգում են». Հակոբ Բադալյան

«Գործարարներն ահազանգում են». Հակոբ Բադալյան
686
Չորեքշաբթի, 14 օգոստոսի, 2024 թ., 13:30

Քաղաքական մեկնաբան Հակոբ Բադալյանի գրառումը. «Գործարարներն ահազանգում են ՊԵԿ մամլիչի ուժգնության աճի կապակցությամբ:
Զարմանալի չէ: Ոչ թե ահազանգը, այլ՝ մամլիչի ուժգնության աճը:
Չէ՞ որ 2024 թվականի բյուջեի կատարողականի առումով կա խնդիր՝ առաջին կիսամյակում գերթե 120 միլիարդ դրամի թերակատարում:
Ի դեպ, այդ առնչությամբ նախօրեին կառավարությունում տեղի է ունեցել կատարողականի հաշվետվության քննարկում:
Իհարկե, քանի որ Հայաստանում տնտեսություն երևույթը քաղաքական օրակարգերի «լուսանցքում» է, թեև պետք է լիներ լրիվ հակառակը, կառավարությունում վարչապետի գլխավորությամբ խորհրդակցությունը չի արժանացել բավարար ուշադրության:
Մինչդեռ, դրա մասին հաղորդագրությունն ավարտվում է բավականին հետաքրքիր մի պարբերությամբ. «Կառավարության ղեկավարը ընդգծել է նաև հարկային և մաքսային վարչարարության արդյունավետ իրականացման անհրաժեշտությունը և նշել, որ պետք է շարունակել հետևողական քայլերն այդ ուղղությամբ»:
Հաշվի առնելով, թե «մեթոդաբանության» և մտածողության ինչ տիրույթում է հարկային վարչարարություն իրականացնող մարմնի աշխատանքը, մեծ հավանականությամբ հնարավոր է եզրակացնել, որ պարբերությունն ընդամենը «մամլիչն ուժգնացնելու» մասին է»:

Աղբյուրը`   Հակոբ Բադալյան

Կարդացե՛ք նաև