Քննարկվում է ջրհեղեղի հետևանքով տուժած տնտեսվարողներին աջակցելու հարցը

625

Հինգշաբթի, 15 օգոստոսի, 2024 թ., 11:18

Կառավարության այսօրվա նիստի օրակարգի զեկուցվող հարցերը վերաբերում են 2024թ. մայիսի 26-ին Լոռու և Տավուշի մարզերում տեղի ունեցած ջրհեղեղի հետևանքների վերացման միջոցառումների հերթական փաթեթին: Այս մասին հայտնեց վարչապատ Փաշինյանը: «Տուժած տնտեսվարողների շրջանակն ու պատճառված վնասները գույքագրվել են մարզպետարանների կողմից: Քաղաքաշինության կոմիտեի ու նախարարության աշխատակիցների կողմից իրականացվել են այցելություններ աղետի գոտի, տուժած տնտեսվարողի գործունեության վայր, գնահատվել անշարժ գույքի վնասվածության աստիճանը: Տուժած տնտեսվարողների վերաբերյալ ամփոփ տվյալները մարզպետարանների կողմից կփոխանցվեն հանրապետական հանձնաժողով, հաստատվելուց հետո՝ ՆԳՆ-ի միջոցով՝ Էկոնոմիկայի նախարարություն՝ աջակցության գործընթացն իրականացնելու նպատակով»,- զեկուցեց Էկոնոմիկայի նախարարը:

Մանրամասները՝ տեսանյութում: