«Այս իշխանությունը Հայաստանը տանում է դեպի Արևմուտք-Ռուսաստան բախում»․ Տիգրան Աբրահամյան

«Այս իշխանությունը Հայաստանը տանում է դեպի Արևմուտք-Ռուսաստան բախում՝ համարելով, որ ինչ-որ բաներ կարող է ծախել և իր համար ստանալ իշխանության շարունակականություն»,- 24TV-ի եթերում ասել է ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ ընդգծելով, որ Հայաստանն ակնհայտորեն չի գնում դեպի Արևմուտք։ «Մեր երկիրը, առավելագույնը, գնում է Արևմուտք միայն հայտարարություններով, իշխանության տարբեր շինծու արբանյակներով, որոնք յուրաքանչյուր օր Եվրոմիություն գնալու լոզունգ են մտածում, բայց իրականության մեջ որևէ պրոցես չկա։ Ամենակարևորը, արժեհամակարգային առումով Հայաստան պետությունը որևէ ձևով դեպի Արևմուտք չի գնում։ Ավելին՝ Հայաստանը գնում է դեպի նոր կոնֆլիկներ, նոր դիմակայության դաշտ, որտեղ ինքը ոչ միայն որևէ բան որոշող չէ, այլ ինքը երաշխավորված ինչ-որ բան կորցնող է»,- նշել է Աբրահամյանը։