«Դատապարտում ենք այս խայտառակ քայլը»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Անթույլատրելի է, երբ օտար պետության թելադրանքով խեղաթյուրվում է պատմական ճշմարտությունը և ոտնահարվում է ազգային արժանապատվությունը։
Ռուսաստանի ԱԳՆ-ի այսօրվա կոպիտ միջամտությունը Հայոց պատմության դասագրքերի բովանդակությանը և մեր իշխանությունների անմիջապես տեղի տված քայլը բացահայտում է մեր երկրի պետական արժանապատվության ճգնաժամը։
Հայ ժողովրդի պատմությունը մեր անցյալի սրբազան ժառանգությունն է, և այն երբեք չպետք է փոփոխվի արտաքին ճնշումների կամ միջամտությունների ներքո։
Վճռականորեն դատապարտում ենք այս խայտառակ քայլը և պահանջում ենք, որ ՀՀ կառավարությունը վերանայի իր դիրքորոշումը և դադարեցնի պետական քաղաքականությունը կասեցնող, ազգային ինքնագիտակցության և արժանապատվության համար վտանգավոր միջամտություններին և դրանց տուրք տվող գործողությունների և քայլերի պրակտիկան։
Պատմության աղավաղումը չի կարող ծառայել մեր ժողովրդի ու պետության շահերին: Վերջ տվեք այս նվաստացման շքերթին և անարգալի լռությանը»: