«էն կախարդական հեռադիտակներով եվրադիտորդները ինչի՞ համար են»․ Գրիգոր Բալասանյան

«Ադրբեջանը չի արձագանքում հայկական կողմի առաջարկությանը՝ ստեղծել համատեղ հանձնաժողով՝ հրադադարի ռեժիմի խախտումը ֆիքսելու համար։ Բա էն կախարդական հեռադիտակներով եվրադիտորդները ինչի՞ համար են»,-168-ի եթերում ասել է միջազգայնագետ Գրիգոր Բալասանյանը՝ անդրադառնալով վերջին շրջանում Ադրբեջանի տարածած ապատեղեկատվություններին։ «Եվրոպան մեծ աղմուկով դիտորդական առաքելություն է ուղարկում, ովքեր պիտի հետևեն հայ-ադրբեջանական սահմանի խախտումներին և կանխարգելեն այդ խախտումները, բայց, եթե պիտի Վարդենիսում կրակեն, իրենք ասեն՝ մենք այդ ժամանակ Եղեգնաձորում էինք, Եղեգնաձորում կրակեն, ասեն՝ մենք Լոռիում էինք, այդ դեպքում այդ մարդիկ ի՞նչ են անում Հայաստանում։ Հայաստանը պիտի Եվրամիությանը դիմի, ասի՝ տվեք պարզաբանում, ձեր դիտորդներն էլ թող հերքեն ադրբեջանական կողմի ապատեղեկատվությունը։ Եթե պիտի մենք Ադրբեջանի հետ ստեղծենք ինչ-որ մեղանիզմ, որը կֆիքսի խախտումները, այդ դեպքում ինչո՞ւ ենք եվրաձրիակերներին պահում Հայաստանում՝ վատացնելով հարաբերությունները Իրանի հետ»,-հավելել է Բալասանյանը։