«Կապիկի ծաղիկը պետք չէ շփոթել COVID-19-ի հետ»․ ԱՀԿ

9154

Երեքշաբթի, 20 օգոստոսի, 2024 թ., 15:30

Առողջապահության համաշխարհային կազմակերպության Եվրոպական տարածաշրջանային գրասենյակի տնօրեն Հանս Կլյուգեն կոչ է արել չշփոթել կապիկի ծաղիկը COVID-19-ի հետ։

«Մենք գիտենք՝ ինչպես վերահսկել կապիկի ծաղիկը եվրոպական տարածաշրջանում, ինչպես նաև պատկերացում ունենք այն քայլերի մասին, որոնք անհրաժեշտ է ձեռնարկել՝ հիվանդության տարածումից խուսափելու համար։ Եվրոպայի երկրների կառավարություններն ու առողջապահական ոլորտի գերատեսչությունները 2022 թվականից սովորել են անհրաժեշտ միջոցներ կիրառել, սակայն սպառնալիքն ամբողջությամբ վերացնելու համար բավարար չեն եղել ռեսուրսներն ու այդ նպատակին հասնելու ձգտումը։ Այսօր մենք արձանագրում ենք կապիկի ծաղիկի երկրորդ շտամով հիվանդացության մոտ 100 նոր դեպք եվրոպական տարածաշրջանում»,- հայտնել է Կլյուգեն։