«Հայաստանի գերխնդիրն այն է, որ Ռուսաստանը չուզենա մեզ վնասել»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը․ «Պետք է ընդունել, որ Ռուսաստանը չի ուզում ստանձնել Հայաստանի «տակտիկական» պաշտպանությունը, քանի դեռ դրա անհրաժեշտությունը չի հասել այնպիսի աստիճանի, որը ռազմավարական ռիսկ է Ռուսաստանի համար:

Այդպիսով, Ռուսաստանը չի ուզում պաշտպանել Հայաստանը դրանից ավելի, որովհետև այսօր ավելին անել ի վիճակի էլ չէ: Այսինքն, այստեղ նույնիսկ ցանկության հարցը չէ, այլ կարողության, անհրաժեշտությունների, հնարավորությունների, «արժեքի»: Հետևաբար անիմաստ է ներքաղաքական կոնյուկտուրայով պայմանավորված խոսակցությունը ավելիի մասին, իսկապես անիմաստ է:

Հայաստանի համար առանցքային խնդիրն այսօր այն չէ, որ Ռուսաստանն «ուզենա» մեզ պաշտպանել: Հայաստանի գերխնդիրն այն է, որ Ռուսաստանը չուզենա մեզ վնասել: Սա է այսօր լուծելիք խնդիրը՝ անել առավելագույնը, որպեսզի Ռուսաաստանը չուզենա մեզ վնասել»: