«Հայաստանը բարեբախտաբար կարողանում է պահել պետականության հեռանկարը»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Երեք տասնամյակ ինքներս մեզ մոլորեցրել ենք, թե մաս ենք Իրան-Հայաստան-Ռուսաստան կամ Հյուսիս-Հարավ առանցքի:
Այդպիսի առանցք չի եղել և չկա, եթե անգամ կա Հյուսիս-Հարավ առանցք, ապա դա Ռուսաստան-Ադրբեջան-Իրան գիծն է, որը աշխարհագրորեն կարող է դառնալ միջանցք և առանցք:
Հայաստանի աշխարհագրությունը, վատ ճանապարհները, ինչպես նաև Հայաստանի և Ռուսաստանի միջև Վրաստան ունենալը չէին կարող թույլ տալ լինելու Հյուսիս-Հարավ առանցքի մաս:
Հայաստանը կարող էր տարածաշրջանային գործոն և տարանցիկ երկիր դառնալ միայն Արևելք-Արևմուտք ուղղության մեջ, բայց դրա համար պետք էին տանելի հարաբերություններ Ադրբեջանի և Թուրքիայի հետ:
Ավելին, Ադրբեջանի և Թուրքիայի հետ տանելի հարաբերություններն անգամ բավարար չէին, որ մենք դառնայինք Արևելք-Արևմուտք միջանցքի մաս, քանի որ աշխարհագրորեն Վրաստանն ավելի շահեկան և գրավիչ վիճակում է:
Ցավոք, Հայաստանը միայնակ, լքված ու լեռների մեջ կծկված հանրապետություն է, որ, բարեբախտաբար, կարողանում է պահել ինքիշխանության և պետականության հեռանկարը: