«Կոնյակի արտահանման և իրացման հետ կապված ահազանգ չենք ստացել»․ Գևորգ Պապոյան

ՀՀ էկոնոմիկայի նախարար Գևորգ Պապոյանը լրագրողների հետ ճեպազրույցի ժամանկ ասաց որ Հայաստանում կոնյակ արտադրողները որևէ դժգոհություն չեն ներկայացրել նախարարություն՝ իրենց արտադրանքը Ռուսաստան արտահանելու և իրացնելու վերաբերյալ։
«Հայկական կոնյակը բրենդ է»,-ասաց Պապոյանը՝ կարևորելով հայկական կոնյակի բարձր որակի ապահովումը․ «Պետք է փորձենք երկրում ստեղծել իզոտոպային լաբորատորիա։ Եթե դա չստացվի, կոնյակ արտադրողների առաջ կդրվի եվրոպական երկրներում իզոտոպային լաբորատորիայի փորձաքննության պարտադիր պահանջ։

Հայաստանից եթե որևէ տեսակի կոնյակի սպիրտ կարտահանվի, ապա կունենա լաբորատոր փարձաքննության փաստաթուղթ, որ, օրինակ, շվեյցարական այսինչ իզոտոպային լաբորատորիայում այս տակառի կոնյակն անցել է փորձաքննություն և ապացուցվում է, որ դա խաղողից ստացված սպիրտ է»,-ասաց Պապոյանը։