«Իշխանությունը «տրոյական ձիու» գործառույթ է իրականացնում»․ Էդուարդ Շարմազանով

«Այս իշխանությունը՝ Նիկոլ Փաշինյանի գլխավորությամբ Հայաստանում իրականացնում է «տրոյական ձիու» գործառույթ»,-լրագրողների հետ զրույցում ասաց ՀՀԿ գործադիր մարմնի անդամ Էդուարդ Շարմազանովը․ «Ումից ի՞նչ եք ակնկալում։ Փաշինյանը Հայաստանի 4 գյուղերը, Արցախը տվել է Ադրբեջանին, ասում է՝ երջանիկ եղեք։ Ով ադեկվատության, տրամաբանության և առողջ դատողության դիֆիցիտ ունի, թող երջանիկ լինի։ Ես երջանկանալու առիթ չեմ տեսնում»,-նշել է Շարմազանովը։

Անդրադառնալով Պուտին Ալիև հանդիպմանը՝ Շարմազանովն ասաց․ «Հիմարություններ են այն մեկնաբանությունները, թե Ալիև-Պուտին հանդիպումը պատերազմի թույլտվության համար էր։ Նիկոլ Փաշինյանի ապաշնորհ քաղաքականության արդյունքում ՀՀ-ն վեր է ածվել աշխարհաքաղաքական և ռեգիոնալ խաղացողների, պետությունների միջև կռվախնձորի։ Նիկոլ Փաշինյանը Հայաստանը բերել և դարձրել է պալիգոն»,-ասաց նա։