Բանգլադեշում ջրհեղեղից 3 մլն բնակիչ է տուժել

941

Հինգշաբթի, 22 օգոստոսի, 2024 թ., 15:00

Բանգլադեշի առնվազն 3 մլն բնակիչ է տուժել օգոստոսի սկզբից հզոր ջրհեղեղից, որն ընդգրկել է երկրի 8 շրջաններ, գրում է Daily Star-ը։

Մուսոնային անձրևների պատճառով գետերի վարարման հետևանքով առաջացած ջրհեղեղն ամենամեծ վնասն է հասցրել Ֆենի, Պարշուրամ, Ֆուլգազի և Նոախալի շրջաններին, որտեղ ջրհեղեղները հեղեղել են 208 գյուղական բնակավայրեր, հանգեցրել սողանքների, տների ավերման, խաթարել տրանսպորտային հաղորդակցությունը և էլեկտրաէներգիայի մատակարարումը: Օդերևութաբանների գնահատականներով՝ այս տարի ջրհեղեղն ամենահզորն է երկրում վերջին 37 տարվա ընթացքում: