Ուկրաինացիները ռուսական նավ են խորտակել

Ռուսաստանի Կրասնոդարի երկրամասում հարված է հասցվել «Կովկաս» նավահանգստին, գրում են ուկրաինական թելեգրամ-ալիքները։

Ուկրաինական կողմը նավը խոցել է «Նեպտուն» հականավային հրթիռներով:
Ըստ որոշ տեղեկությունների՝ խոսքը Conroe Trader երկաթուղային լաստանավի մասին է։

Խոցված լաստանավի վրա եղել է վառելիքով լի 30 ցիստեռն, հայտնել է Տեմրյուկի շրջանի ղեկավար Ֆեդոր Բաբենկովը։
Հարձակման պահին նավի վրա եղել է 5 մարդ, նրանց ճակատագիրն այս պահին անհայտ է, գրում են լրատվամիջոցները՝ վկայակոչելով արտակարգ իրավիճակների ծառայություններին։
Հաղորդվում է նաև, որ Ղրիմում տագնապ է հայտարարված, Ղրիմի կամուրջն արգելափակված է։ Հաղորդվում է ուկրաինական «Նեպտուն» հրթիռների հարձակման մասին: Ռուսական թելեգրամ-ալիքները հայտնում են «Կովկաս» նավահանգստում ուկրաինական զինված ուժերի կողմից խոցված լաստանավի ողջ անձնակազմի մահվան մասին։