«Հայաստանը ինքնամեկուսացել է դիվանագիտությունից»․ Լևոն Զուրաբյան

«Հայաստանի կամքից արդեն կարծես ոչ մի բան կախված չի, որովհետև Հայաստանը ինքնամեկուսացել է դիվանագիտությունից»,- «Ֆակտոր»-ի եթերում ասել է ՀԱԿ փոխնախագահ Լևոն Զուրաբյանը։ «Ռուսաստանը, ինչքան էլ պրոբլեմատիկ վիճակում լինի ուկրաինական պատերազմում, այնուամենայնիվ, ինչ-որ կարևոր ուժ է ռեգիոնալ մասշտաբով, բայց այդ ուժի հետ մենք չենք խոսում։ Դա հիմարություն է։ Իհարկե, կարող ենք բազմաթիվ խնդիրներ ունենալ Ռուսաստանի հետ, բայց, արդյո՞ք դրա պատասխանը այն պիտի լիներ, որ Ռուսաստանին հայտարարեինք թշնամի, ինչպես անում է ամբողջ նիկոլական պրոպագանդան։ Մենք, հասկանալով այդ երկրի դերակատարությունը, ուժը, հնարավորությունները, այդ երկրի հետ, ըստ էության, խզում ենք հարաբերությունները և վարում ենք մանկապարտեզի դիվանագիտություն»,-նշել է Զուրաբյանը։