Ճանապարհաշինական մեծ ծրագրերը՝ «ամենանախկին» Էդվարդ Բեզոյանին

Լրագրող Ոսկան Սարգսյանի ֆեյսբուքյան գրառումը․ ««Ճանապարհային դեպարտամենտ» հիմնադրամից տեղեկացել եմ, որ Կիրանցի նոր ճանապարհի շինարարությունը իրականացնում է «Ճանապարհ» ՍՊԸ-ն։ Հիմնադրամից նաև հայտնել են․ «Ենոքավան-Կարմիրգյուղ ճանապարհահատվածի հիմնանորոգումը իրականացնում է «Ճանապարհ» ՍՊԸ-ն՝ 642 000 0000 ՀՀ դրամ պայմանագրային արժեքով, աշխատանքների ավարտը նախատեսվում է սույն թվականի նոյեմբերին»։ «Ճանապարհ» ՍՊԸ-ն պատկանում է Լինսի հիմնադրամի ճանապահաշինության ծրագրերի երկարամյա ղեկավար Էդվարդ Բեզոյանին։ Կարծում եմ, որ Կիրանցի նոր ճանապարհի, Կիրանց-Աճարկուտ, Ենոքավան-Կարմիրգյուղ ճանապարհների կառուցապատողը որոշվել է առանց մրցույթների, հրատապության կարգով։ Նիկոլ Փաշինյանը, ով իր խոստովանությամբ ասֆալտ շատ է սիրում, ճանապարհաշինության, ասֆալտապատման գործով սերտ աշխատում է «ամենանախկին» Էդվարդ Բեզոյանի հետ»։