«Գյուղատնտեսության մեջ աղետը սկսվել է 2018-ի երկրորդ կեսից»․ Աշոտ Հարությունյան

«Մեր հանրապետությունում գյուղատնտեսության աղետը սկսվել է 2018թ․ երկրորդ կիսամյակից, երբ վերջ դրվեց գերատեսչությանը, խոսքը գյուղատնտեսության նախարարության մասին է, որը մշակում, իրականացնում էր ոլորտի քաղաքականությունը»,- այսօրվա ասուլիսի ժամանակ հայտնել է գյուղատնտեսության նախկին փոխնախարար Աշոտ Հարությունյանը՝ պատասխանելով հարցին, թե «գյուղատնտեսության մեջ ո՞րն է այն թիվ 1 խնդիրը, որը կարող է Հայաստանի համար մասշտաբային աղետ բերել»։ «Գոնե սխալն ուղղեին պատերազմից հետո, վերականգնեին նախարարությունը կամ ինչ-որ ավելի հետաքրքիր կառույց ստեղծեին։ Բայց դա չեղավ։ Ո՛չ արտադրածն է ժամանակին նորմալ իրացվում, ո՛չ մշակությունն է նոր տեմպեր հավաքել, ընդհակառակը՝ անկում է ապրել բոլոր առումներով, էլ չեմ ասում պարենային ապահովվածության հետ կապված խնդիրները»,- հավելել է Հարությունյանը՝ խոսելով գյուղատնտեսության ոլորտում առկա մի շարք խնդիրների մասին։