«Այս իշխանության և ընդդիմության սնուցման հիմքում նույն գաղափարաբանական համակարգն է»․ Նորիկ Նորիկյան

«ՀՀ-ում և՛ իշխանությունը պետք է փոխվի, և՛ ընդդիմությունը։ Եթե մենք իշխանությանը փոխենք այս ընդդիմությունով, ուրեմն ՀՀ-ում որակական որևէ տեղաշարժը պետք է բացառել»,- 24TV-ի եթերում ասել է «Արդար Հայաստան» կուսակցության նախագահ Նորիկ Նորիկյանը։ «Այս իշխանության և ընդդիմության սնուցման հիմքում նույն գաղափարաբանական համակարգն է։ Նրանց երկուսի ստեղծման ակունքներում նույն գաղափարաբանական և հոգեբանական շերտն է դրված։ «4-րդ հանրապետություն» ասվածը բովանդակային, գաղափարաբանական, առարկայական տեսանկյունից պետք է իսկապես նորը լինի։ Հաջորդ իշխանության ձևավորումը տեսնում եմ հետևյալ գործընթացով՝ օրինական ընտրությունների միջոցով, երբ քաղաքացին գնում է ընտրատեղամաս, դեմ է քվեարկում և՛ իշխանությանը, և՛ ընդդիմությանը, և ձևավորում է որակապես նոր ընդդիմություն»,- նշել է Նորիկյանը։