Կոնգոյում 129 մարդ է զոհվել բանտից փախուստի ժամանակ

2140

Երեքշաբթի, 03 սեպտեմբերի, 2024 թ., 10:00

Նախօրեին Կոնգոյի Դեմոկրատական Հանրապետության Մակալա բանտից փախչելու փորձի ժամանակ առնվազն 129 մարդ է զոհվել, ևս 59-ը վիրավոր է, հայտնել է երկրի ՆԳ և անվտանգության նախարար Ժակեմին Շաբանին։
Նրա խոսքով, բռնկված հրդեհի հետևանքով ոչնչացվել են մի շարք վարչական շենքեր, սննդի պահեստներ։

«129-ից 24-ը մահացել է՝ իրավապահների նախազգուշացումից հետո արձակված կրակոցից, մյուսները՝ հրմշտոցից և շնչահեղձությունից»,- նշել է նա:

Դեպքի հանգամանքները պարզելու նպատակով կատարվում է քննություն։