«Ծայրահեղ աղքատության մակարդակը գյուղական բնակավայրերում աճում է». Թադևոս Ավետիսյան

ԱԺ «Հայաստան» խմբակցության պատգամավոր Թադևոս Ավետիսյանը ֆեյսբուքյան իր էջում գրել է. «Օրվա իշխանությունը չիրականացված հերթական խոստումը քողարկելու նպատակով, վեց տարի անց ներկայացրել է նախագիծ, որը ոչ միայն կապ չունի ականջահաճո այդ նպատակի հետ, այլ ճիշտ հակառակն է։
Խոսքը վերաբերում է ընտանիքների անապահովության գնահատման նոր համակարգի ներդրմանը, աղքատության նպաստների հասկացության բարձրացմանը, ծայրահեղ աղքատության վերացմանը, աղքատության մակարդակի կրկնակի նվազեցմանը, նպաստից դեպի աշխատանք խրախուսմանը և այլն։
Իսկ իրականում ծայրահեղ աղքատության մակարդակը գյուղական բնակավայրերում աճում է, աղքատության մակարդակը և աշխատող աղքատների թիվը էապես չեն փոխվում, անապահովության անուղղակի գնահատման համակարգի առկա խնդիրները այս նախագծով ավելանում և խորանում են։
Իրականում այս նախագծով առաջարկվում է պատժել անապահով ընտանիքներին, քանի որ առաջնորդվում են այն հակասոցիալական թեզով, ըստ որի՝ աղքատությունը աղքատ մարդու ուղեղում է։ Այս դեպքում ինչ անի իշխանությունը»: