«Անհրաժեշտ է Սև ծովում նավատորմ ստեղծելու ճանապարհներ գտնել»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «2019 թվականին, մի քննարկման ժամանակ, որի բուն թեման՝ «Հայաստանի զարգացման հեռանկարները։ Հայաստանը որպես տարածաշրջանային հիմնական դերակատար» էր, կարծիք Հայտնեցի, որ Հայաստանի ազգային անվտանգության բոլոր տարրերը պետք է մանրակրկիտ վերլուծության ենթարկվեն և հարմարեցվեն ռեգիոնալ տերությունների փիլիսոփայությանը։ Իսկ ռազմական ասպեկտով՝ ի թիվս այլ խնդիրների, նշեցի, որ անհրաժեշտ է գտնել հնարավոր ճանապարհներ, փոխշահավետության սկզբում Սև ծովում, գուցե նաև Միջերկրական ծովում փոքր նավատորմ ստեղծել:
Այս միտքը ուղղակի ֆանտաստիկայի ժանրից էր, ու բոլորը սկսեցին նայել ինձ որպես հեքիաթասացի։
Չեք պատկերացնի, բայց այդ քննարկման ժամանակ բոլոր դեպքերում իրական հնարավորություն դիտարկում էին ճանապարհների ապաշրջափկման ուղիներ և լոգիստիկ հանգույց դառնալու տեսիլք, որով իբր Հայաստանը կդառնար տարածաշրջանային հզոր պետություն։
Այ սա հիմա իսկական հեքիաթ է արդեն։
Իսկ այն, ինչ ես առաջարկում էի (ի դեպ, այստեղ միայն մեկ դետալ եմ նկարագրել՝ ամենաանհնարինը թվացող), շարունակում եմ հավատալ, որ հնարավոր է, եթե մենք խոսքերից անցնենք լուռ աշխատանքի և իրական քաղաքականության»։