«Մինչև տարվա վերջ կհեռացնե՞ք իշխանություններին»․ լրագրողը՝ Գառնիկ Դանիելյանին

Կարեն Դեմիրճյանի անվան մարզահամերգային համալիրում, Բագրատ Սրբազանի հրավիրած մեծ հավաքի մեկնարկից առաջ, շարժման համահիմնադիր, ԱԺ պատգամավոր Գառնիկ Դանիելյանը պատասխանել է լրագրողների հարցերին։ «Այսօր շատ կարևոր ասելիքի ու հետագա անելիքների մասին մեր ակտիվի հավաքն է։ Սա այն հանգրվանն է, որտեղ մեր պայքարի ընկերները հետագա հարցերի պատասխանները պետք է ստանան։ Սա մեկնարկ է մի նոր փուլի, որը, կարծում եմ, ավարտին կհասցնի այն գործը, որ միասին սկսել ենք»,- ասել է Դանիելյանը։ Հարցին՝ մինչև տարեվերջ կհասցնե՞ք իշխանություններին հեռացնել, պատասխանել է․ «Հուսով եմ՝ կհեռացնենք»։