«Ուզում ես երկինք թռիր, իջիր ցած․ Հայաստանի ամենաբարձր գագաթն Արարատն է»․ Աբրահամ Գասպարյան

«Արցախը Հայաստանի անվտանգային վահանն էր, ու այս իշխանությանը վռնդելուց հետո պիտի զօր ու գիշեր աշխատենք, որպեսզի Արցախը դարձյալ դառնա հայաբնակ ու հայկական»,- համալիրում ընթացող մեծ հավաքի ժամանակ հայտարարեց հաղորդավար Աբրահամ Գասպարյանը։ «Հայաստանը կա, քանի մեր մեջ չի մարել հայրենիքի խռովքը, քանի Մամիկոնյանց ցեղի աստվածատուր ուժը կրում ենք, ու ՀՀ-ն լինելու է այնքան ժամանակ, քանի որոշել ենք մինչև մեր վախճանը հայրենիքը պարտված չտեսնել»,- ընդգծեց նա։ Խոսքն ուղղելով Փաշինյանին՝ ասաց․ «Կա մեկ անբացատրելի ճշմարտություն, դա աքսիոմատիկ է․ ուզում ես երկինք թռիր, իջիր ցած․ Հայաստանի ամենաբարձր գագաթն Արարատն է»։