«Ամեն ինչ անելու ենք Սրբազանին աջակցելու համար»․ Սեյրան Օհանյան

«Ես գտնում եմ, որ Սրբազան պայքարը պետք է շարունակել։ Այն պետք է հակադրի այն բոլոր գործընթացները, որ ՀՀ-ն տանում են գահավիժման»,-168-ի եթերում ասել է ԱԺ «Հայաստան» խմբակցության ղեկավար Սեյրան Օհանյանը։ «Յուրաքանչյուր անձ՝ այս կամ այն քաղաքական ուժի, քաղաքական հատվածի մասնակից, պետք է իր աջակցությունը ցույց տա Սրբազան պայքարին։ Կարծում եմ ՝Սրբազանը ցույց է տվել, որ ամեն մի ժամանակահատվածում հետևողականորեն գեներացնում է այն գաղափարը, ուժերը, որոնք մտածում են ՀՀ-ի մասին։ Ինչ վերաբերում է մեզ՝ ընդիմությանը, «Հայաստան» խմբակցությանը, մենք և՛ ԱԺ-ում, և՛ ԱԺ-ից դուրս ամեն ինչ անելու ենք Սրբազանին աջակցելու համար՝ դրսում կիլինի, ուրեմն դրսում իր հետ կպայքարենք։ Եթե գեներացվի այնքան մեծ ուժ, որը կարող է պարտադրել որոշ գործընթացներ ԱԺ-ի ներսում, ուրեմն ԱԺ-ի ներսում այն կիրականացնենք։ Ցավը պետք է մի կողմ դնել և համախմբվել, բռունցքվել և պայքարել ՀՀ-ի համար։ Իսկ այդ պայքարի հիմնական թիրախը ոչ միայն հակառակորդներն են, այլ նաև ՀՀ իշխանություններն են, որոնք պետք է հեռացվեն»,-նշել է Օհանյանը։