«ՀՀ-ում արցախցիները հյուր չեն»․ Գեղամ Մանուկյան

ԱԺ Պաշտպանության հանձնաժողովի նիստում «Հայաստան» խմբակցության պատգամավոր Գեղամ Մանուկյանը, անդրադառնալով վերջերս Գագիկ Մելքոնյանի արած արտահայտությանը, ասաց․ «Վերջերս շատ մեծ արձագանք ստացավ և բազմաթիվ քննադատությունների արժանացավ այս հանձնաժողովի անդամ, ժամանակին բանակի թիկունքի անդամ գեներալ Գագիկ Մելքոնյանի հայտարարությունը արցախցիների մասին՝ իբր նրանք հյուր են։ Հյուր Գագիկ Մելքոնյանը կարող է լինել, երբ ՌԴ-ում այցելում է իր օբյեկտներ, բայց արցախցիները հյուր չեն։ Արցախցիները իրենց հայրենիքում են, արցախցիները, ոնց որ արմավիրցիները, մարտունեցիները, հայոց աշխարհի քաղաքացիներն ու զավակներն են»։ Դրան ի պատասխան հանձնաժողովի նախագահ Անդրանիկ Քոչարյանը նշեց, որ Գագիկ Մելքոնյանը ասում է այն, ինչ ինքն է որոշում։