«Կարծում եք՝ պետք է էլի երգենք, որ Ստամբուլը արյան ծով ենք սարքելո՞ւ»․ Անդրանիկ Քոչարյան

«Կարծում եք՝ պետք է էլի երգենք, որ Ստամբուլը արյան ծով ենք սարքելո՞ւ։ Պետք է գնալ դեպի խաղաղության»,-լրագրողների հետ ճեպազրույցի ժամանակ ասաց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, երբ լրագրողը Թուրքիայի նախագահի երեկվա հայտարարությունից մեջբերում կատարեց։
Հիշեցնենք, որ Թուրքիայի նախագահ Ռեջեփ Թայիփ Էրդողանը ՀՀ վարչապետ Նիկոլ Փաշինյանի հետ հանդիպումից հետո ասել է՝ Հայաստանը ցանկանում է, որ Թուրքիան օժանդակի Ադրբեջանի հետ խաղաղության հաստատմանը:
«Տարածաշրջանային բոլոր տերությունները պետք է միտված լինեն խաղաղության հասնելուն։ Թուրիքան էլ անելիք ունի»,- ասաց Քոչարյանը։