Բառնաուլում բռնկված խոշոր հրդեհը չի հաջողվում մեկուսացնել

2202

Կիրակի, 29 սեպտեմբերի, 2024 թ., 17:48

ՌԴ-ի Բառնաուլ քաղաքում կահույքի գործարանում բռնկված հրդեհի տարածքը հասել է 6000 քառակուսի մետրի, գրել են ռուսական թելեգրամ ալիքները։

Հրդեհը բռնկվել է «Երեք փղեր» արտադրական շենքի հինգերորդ հարկում։ Այն շատ արագ տարածվել է և ընդգրկել ողջ շենքը՝ առաջինից մինչև վեցերորդ հարկերը։ Այրման հոտը զգացվում է քաղաքի բոլոր հատվածներում։

Այժմ հրշեջները փորձում են կանխել կրակի տարածումը դեպի վառելիքի պահեստ, որը գտնվում է մոտակայքում։

Տուժածներ, նախնական տվյալներով, չկան: