Իսրայելը հարձակվել է ռուսական ավիաբազայի վրա
![]() 3684 Հինգշաբթի, 03 հոկտեմբերի, 2024 թ., 20:24 Իսրայելը, ենթադրաբար, հարձակվել է Սիրիայում ռուսական «Հմեյմիմ» ավիաբազայի վրա՝ «Հեզբոլլահ»-ի համար նախատեսված զենքերը ոչնչացնելու նպատակով, հայտնում է գերմանական Bild հրատարակությունը։ Հաղորդագրության համաձայն, հինգշաբթի՝ հոկտեմբերի 3-ի գիշերը, մի շարք ուժեղ պայթյուններ են տեղի ունեցել Սիրիայում ռուսական միակ ավիաբազայի մոտ։ Ենթադրաբար, Իսրայելն այդպիսով ոչնչացրել է զենքի խմբաքանակ, որը պատրաստվում էր Իրանից հասցնել «Հեզբոլլահ»-ի զինյալներին ռուսական բազայի միջոցով։ Մոտակա Ջեբլա քաղաքից արված լուսանկարներն ու տեսանյութերը ցույց են տվել հզոր պայթյուններ, որոնք գալիս են Հմեյմիմ բազայից, որը գտնվում է քաղաքից հինգ կիլոմետր հեռավորության վրա։ Մի շարք պայթյուններից հետո «Հեզբոլլահ»-ի անդամներն ու սիրիացի լրագրողները հայտնել են, որ Իսրայելի ռազմաօդային ուժերը հարձակվել են ռուսական բազայի վրա։ Իսրայելը երկար տարիներ ավիահարվածներ է հասցնում՝ Սիրիայի տարածքին «Հեզբոլլահին» զենքի մատակարարումը խափանելու համար: Սակայն մինչ այսօր ռուսական ռազմակայանը չի եղել այդ հարձակումների թիրախը, նշում է աղբյուրը։ «Իսրայելական հարձակումն ուղղված է եղել ռուսական Հմեյմիմ բազայի տարածքում գտնվող պահեստի վրա։ Իսրայելը ռմբակոծել է բազան իրանական «Qeshm Fars Air» ավիաընկերության օդանավը ժամանելուց մեկ ժամ անց»,- գրել է սիրիական ընդդիմադիր Սիրիա հեռուստաընկերության լրագրող Աբդուլլահ ալ-Մուսան: Թուրք լրագրողներից մեկը Bild-ին հայտնել է, որ, ըստ իր աղբյուրների, իրանական ինքնաթիռը չորեքշաբթի՝ հոկտեմբերի 2-ի առավոտյան ժամը 10-ին, վայրէջք է կատարել ռուսական բազայում, իսկ ժամը 17-ին կրկին օդ է բարձրացել։ Այլ աղբյուրների համաձայն՝ իրանական զենքերը ոչնչացվել են ռուսական բազայից 700 մետր հեռավորության վրա, որտեղ այն պահվել է իրանական ինքնաթիռով առաքվելուց հետո։ Ըստ այդ տեղեկությունների՝ Ռուսաստանը փորձում էր խոցել իսրայելական հրթիռները։
|
«Ահասարսուռ լուրը կայծակի արագությամբ տարածվեց». Վայքի հիմնական դպրոց
32711:06Քալիֆորնիայում ուժգին պայթյուն է որոտացել (տեսանյութ)
23509:34Վազանցի հետ կապված վեճ ու դանակահարություն՝ Մուշավանում
266Երեկ, 20:54Թուրքիայում շարունակում են մոլեգնել հրդեհները (տեսանյութ)
469Երեկ, 14:41Ողբերգական ավտովթար՝ Ալավերդի-Բագրատաշեն ճանապարհին
212Երեկ, 12:36Հնդկաստանի քիմիական գործարանում պայթյունի հետևանքով 34 մարդ է զոհվել (տեսանյութ)
457Երեկ, 10:04Արմավիրում քամու հետևանքով պոկվել է շենքի տանիք, վնասվել են ավտոմեքենաներ, էլեկտրալարեր
32430.06.2025, 19:30Երկրաշարժ՝ Հայաստանում
30330.06.2025, 13:18